اسلام آباد(مانیٹرنگ ڈیسک) جماعت الدعوۃ کے امیر حافظ سعید احمد کے نئے بیان نے بھارتیوں کی نیندیں حرام کر دیں۔ حافظ سعید احمدنے اپنے تازہ ویڈیو پیغام میں کہا ہے کہ بھارتی حکومت کی جانب سے بلوچستان میں مداخلت کے اعتراف اور مودی کی جانب سے بنگلہ دیش کو الگ کرنے کے اعتراف کے بعد پاکستان کو چاہئے کہ پاکستان بھی اب کھل کر بھارتی جارحیت کا جواب دے ۔ بھارت کے غاصبانہ قبضے میں گئے ہوئے جونا گڑھ، سندھ کے باقی ماندہ حصے جو ممبئی تک ہیں،حیدر آبادا ور دیگر تمام ریاستیں جو بھارت کے غاصبہ قبضے میں ہیں جن میں سر فہرست کشمیر اور بہار کی ریاستیں ہیں۔
حافظ سعید احمد کے اس ویڈیو پیغام نے بھارت میں کھلبلی مچا دی ہے بھارتی میڈیا کی جانب سے اس ویڈیو کو لے کر خوب واویلا کیا جا رہا ہے جبکہ بھارتی حکومتی حلقوں میں بھی تشویش پائی جاتی ہے۔
