اسلام آباد(مانیٹرنگ ڈیسک) عبدالرشید غازی قتل کیس میں سابق صدر پرویز مشرف کے دائمی وارنٹ گرفتاری پولیس کو بھجوا دیئے گئے۔ایک نجی ٹی وی کے مطابق ایڈیشنل سیشن جج پرویز القادر میمن نے 21 ستمبر کو دائمی وارنٹ گرفتاری جاری کئے تھے، عدالت کی طرف سے ایس ایچ او تھانہ آبپارہ کو سابق صدر پرویز مشرف کے دائمی وارنٹ گرفتاری بھجوائے گئے ہیں۔دائمی وارنٹ گرفتاری کے متن کے مطابق ملزم کو گرفتار کرنے کیلئے ہر ممکن کوشش کی جائے، ملزم کے گرفتار ہونے پر اسے عدالت میں پیش کیا جائے تاکہ کارروائی مقدمہ مکمل ہوسکے۔