مریدکے (این این آئی) کمسن بچوں کو اغواء کر کے اوباش افراد کو زیادتی کیلئے پیش کرنے والے خطرناک گروہ کے ڈیرہ کا انکشاف ہوا ہے ، بچوں سے زیادتی کی مبینہ طور پر ویڈیو بھی بناتے ، متاثرہ دو کمسن بچوں کی نشاندہی پر گروہ کے چار ارکان کو گرفتار کر لیا گیا ، سینکڑوں بوتل غیر ملکی شراب کی بوتلیں بھی برآمد کر لی گئیں ، ڈیرہ کے مالک اور ملزمان کے خلاف اصل درخواست کے مطابق مقدمہ درج نہ کئے جانے کے خلاف سینکڑوں افراد نے پولیس اور ملزمان کے پشت پناہی کرنے والے افراد کے خلاف پرانا نارنگ روڈ پر احتجاج جی ٹی روڈ پر دھرنا دینے کی دھمکی دیدی۔تفصیلات کے مطابق مریدکے میں آبادی ننگل ساہداں کے قریب ایک عیاشی ، بد فعلی اور شراب نوشی کے ڈیرہ کا انکشاف ہوا ہے جسکا گروہ کمسن بچوں کو نہ صرف اغواء کرتا بلکہ اجتماعی زیادتی کا نشانہ بنانے کے ساتھ بلیو فلم بناتا جبکہ مریدکے سمیت دیگر شہروں سے آنے والے افراد کو شراب بھی فراہم کرتا گروہ کا انکشاف اس طرح ہوا کہ پرانا نارنگ روڈ کے دو کمسن بچے جہانگیر اور حیدر اچانک غائب ہو گئے محبت مزدوری کرنے والے والدین اپنے لخت جگروں کے 24گھنٹے ڈھونڈتے رہے کہ دونوں بچے نارووال روڈ پر نیم بہوشی کی حالت میں مل گئے جنہوں نے انکشاف کیا کہ انہیں اغواء کر کے 5 افراد نے اسلحہ کی نوک پر نہ صرف زیادتی کا نشانہ بنایا ہے بلکہ وہ غیر انسانی فعل کئے اور ویڈیو بنائی گئی ہیں کہ بیان نہیں کر سکتے کمسن بچوں اورا نکے والدین کی نشاندہی پر مریدکے پولیس نے گروہ کے چار ارکان کو پکڑ لیا اور سینکڑوں بوتل شراب بھی بر آمد کی جبکہ ڈیرہ کے مالک سے مبینہ مک مکا کر کے بچوں سے زیادتی کی بجائے صرف شراب فروخت کرنے کا مقدمہ درج کر دیا اس کے خلاف پرانا نارنگ روڈ پر سینکڑوں مرد خواتین اور بچوں نے گروہ اور پولیس کے خلاف مختلف قسم کے پلے کارڈ اٹھا کر احتجاجی مظاہرہ کیا ا۔مظاہرین نے بتایا کہ جو تحریری درخواست دی تھی تھانیدار دستگیر اور ایس ایچ او تھانہ صدر نے مک مکا کر کے ڈیرہ کے مالک عدنان عرف مٹھو و دیگر گروہ کے ارکان کے خلاف کاروائی نہیں کی وزیراعلیٰ نوٹس لیں۔

موضوعات:بھارتی میڈیا کمسن بچے