لاہور ( مانیٹرنگ ڈیسک) پنجاب پولیس کی کارکردگی کھل کرسامنے آگئی ۔چورو ں نے قانون کوہی چکراکررکھ دیا۔انسپکٹرجنرل پنجاب مشتاق سکھیراکے دفترسے چورلاکھوں مالیت کاسامان چراکرلے گئے ۔انتہائی معتبر ذرائع نے بتایا ہے کہ آئی جی پنجاب مشتاق سکھیرا کے دفتر میں صوبہ بھر سے آئے ہوئے افسران کی میٹنگ جاری تھی۔ آفس میں مناسب جگہ نہ ہونے کی وجہ سے آفس میں موجود الماریوں کو اٹھا کر آفس سے باہر رکھا تھا جس میں ایل سی ڈیز موجود تھیں۔ نا معلوم افراد موقع دیکھتے ہی ایل سی ڈیز چوری کر لیں۔ ذرائع نے بتایا ہے کہ ایل سی ڈیز ڈی پی او آفس میں لگانے کے لیے منگوائی گئی تھی۔ جبکہ ترجمان آئی جی پنجاب کا کہنا ہے کہ واقعہ کی تحقیقات کر رہے ہیں بہت جلد حقائق سامنے آجائیں گے اور ایل سی ڈٖیز چرانے والے افراد قانون کی گرفت سے نہیں بچ سکیں گے۔ادھرسوشل میڈیاپرآئی جی آفس میں چوری پرعجیب وغریب تبصرے ہورہے ہیں کہ پولیس اپنے سامان کی حفاظت نہیں کرسکی وہ عوام کی خاک حفاظت کرسکے گی ۔واضح رہے کہ وزیراعلی پنجاب شہبازشریف نے آج بدھ کے روزہی پولیس اہلکاروں کے گریڈبڑھاکران کی تنخواہوں میں اضافے کااعلان کیاتھا۔