ممبئی (مانیٹرنگ ڈیسک )بالی وڈ میں قطرینہ کیف کو سمیتا پاٹل ایوارڈ دینے کے بارے میں سوشل میڈیا پر زبردست بحث جاری ہے۔قطرینہ جن کی گزشتہ دو سالوں میں آنے والی فلمیں کامیاب نہ ہو سکیں انہیں اچانک سے سمیتا پاٹل ایوارڈ کس بنا پر مل گیا۔فلمی شائقین سیخ پا ہیں۔ایک مداح کا کہنا تھا کہ قطرینہ کیف گوگل پر سمیتا پاٹیل کو تلاش کر رہی ہونگی کی آخر وہ ہے کون؟۔ کچھ عر صہ پہلے تک فلم بینوں کے دلوں پر راج کرنے والی قطرینہ کا آج کل کچھ برا وقت چل رہا ہے۔
گزشتہ دو سالوں میں وہ کوئی بھی کامیاب فلم دینے میں ناکام رہیں۔دو سال بعد سمیتا پاٹل ایوارڈ کی صورت میں ایک تازہ ہوا کا جھونکا آیا وہ بھی تنازع کا شکار ہوگیا۔اب بحث یہ ہے کہ چکنی چمیلی اور شیلا کی جوانی جیسے آئٹم نمبر کرنے والی قطرینہ اس اعزاز کی حقدار ہیں یا نہیں ؟۔ ہزاروں کی تعداد میں لوگ تو یہ ایوارڈ قطرینہ کو دیے جانے پر ان کا خوب مزاح اْڑا رہے ہیں۔ایک موصوف کا کہنا ہے کہ قطرینہ یقیناً اس خبر کے بعد گوگل پر یہ تلاش کر رہی ہوں گی کہ سمیتا پاٹل آخر ہیں کون؟