راولپنڈی (این این آئی) پاکستان عوامی مسلم لیگ کے سربراہ شیخ رشید احمد نے کہا ہے کہ رائیونڈ مارچ کیلئے عمران خان کے کندھے سے کندھا جوڑکر رائیونڈمارچ میں شرکت کرینگے ۔چیئرمین تحریک انصاف عمران خان نے اسلام آباد میں ورکرز کنونشن سے خطاب کرتے ہوئے 30 مارچ کو رائیونڈ جانے کا اعلان کیا جس پر اپنے رد عمل میں رشید احمد نے کہا کہ عوامی مسلم لیگ کندھے سے کندھا جوڑ کر عمران خان کے ساتھ رائیونڈ جائے گی۔ اگر ہمارے ساتھ پنگا لینے کی کوشش کی گئی تو ہم رائیونڈ نہیں رکیں گے بلکہ جاتی امرا جائیں گے اور وہاں دھرنا دیں گے۔ ڈنڈا بردار فورس شرارت کرکے نواز شریف کی سیاست کی قبر کھودے گی۔شیخ رشید نے کہا کہ عمران خان بھرپور تیاری میں ہیں اور ہم ان کے ساتھ ہیں ٗ پی ٹی آئی کو کوئی نقصان نہیں پہنچا سکتا اور منافقوں کا پی ٹی آئی میں نہ آنا عمران خان کی فتح ہے پارٹی سے جو غداری کرے گا وہ فارغ ہوجائے گا، قوم باہر نکلی تو 30 ستمبر فائنل راؤنڈ ہوگا۔