دبئی(مانیٹرنگ ڈیسک ) متحدہ عرب امارات کی ایک خاتون آن لائن کاروبار میں 5لاکھ درہم کی رقم سے محروم ہو گئی۔عرب خبر رساں ادارے کے مطابق جلد منافع کمانے کے لالچ میں اماراتی خاتون بڑی رقم سے ہاتھ دھو بیٹھی۔اماراتی خاتون نے میڈیا کو بتایا کہ ایک سوشل میڈیا صارف نے اس سے رابطہ کیا اور ایک پروجیکٹ میں رقم انویسٹ کرنے کا کہا۔

اس شخص نے خاتون کو یقین دہانی کرائی کہ اس کاروبار میں اسے بہت جلد زیادہ منافع ہو گا جس کے بعد خاتون نے مختلف اوقات میں 5لاکھ درہم انویسٹ کر دئے لیکن جب کچھ دن تک منافع کی رقم اس کے اکاؤنٹ میں نہیں آئی تب اس نے چیک کیا کہ متعلقہ شخص نے اس سے رابطہ منقطع کر دیا ہے۔خاتون نے اس شخص کے خلاف عدالت میں مقدمہ درج کیا جس کے بعد پولیس نے متعلقہ اکاونٹ ہولڈر کو گرفتار کر کے عدالت میں پیش کر دیا جہاں اس شخص نے خاتون کی رقم واپس کرنے کی یقین دہانی کروائی۔