کراچی(آن لائن) متحدہ قومی موومنٹ پاکستان نے اپنے پارٹی پرچم سے متحدہ قائد کا نام ہٹادیا ہے۔22 اگست کے واقعے کے بعد ایم کیو ایم پاکستان کی قیادت اپنے بانی اور لندن سیکریٹریٹ سے دور ہوتی جارہی ہے۔ متحدہ قائد سے مستقل لاتعلقی کے اعلان کے بعد اب پارٹی پرچم سے ان کا نام بھی ہٹا دیا گیا ہے۔ پی آئی بی کالونی میں ایم کیو ایم پاکستان کے سربراہ ڈاکٹر فاروق ستار کی رہائش گاہ اور پی ایس 127 میں ضمنی انتخاب کے دوران حلقے میں لگائے گئے پرچموں میں اب متحدہ قائد کے نام کے بجائے پارٹی کا انتخابی نشان پتنگ نمایاں ہے۔دوسری جانب سیاسی جماعتوں کے پرچموں کی فروخت کے کاروبار سے منسلک افراد نے بھی متحدہ قائد کے نام والا پرچم ہٹادیا ہے