اسلام آباد(آئی این پی )ایرانی سفیر مہدی ہنر دوست نے کہا ہے کہ آئندہ سال کے اختتام تک ایرانی گیس پائپ لائن پاکستان پہنچ جائے گی ،2ارب ڈالر خرچ کر کے ایران نے گیس پائپ لائن بارڈر تک پہنچا دی ہے ۔ وہ بدھ کو پاک ایران چیمبر آف کامرس کی تقریب سے خطاب کر رہے تھے ۔انہوں نے کہا کہ پاکستان ایران کا بہترین دوست ہے ،آئندہ سال کے اختتام تک ایرانی گیس پاکستان پہنچے گی ،مہدی ہنر دوست نے کہاکہ 2ارب ڈالر خرچ کر کے ہم نے گیس پائپ لائن بارڈر تک پہنچا دی ہے ۔پاکستان حکام سے گیس پائپ لائن منصوبے پر بات ہوئی ہے ،پاکستان کو بجلی برآمد کرنے سے متعلق بھی بات چیت جاری ہے ۔