لاہور(نیوزڈیسک)محکمہ موسمیات کے مطابق ملک کے بیشتر علاقوں میں موسم سرد اور خشک ہے. آئندہ چوبیس گھنٹوں کے دوران بھی ملک کے اکثر علاقوں میں موسم سرد اور خشک ہی رہے گا جبکہ اگلے تین روز کے دوران بھی ملک کے بیشتر علاقوں میں موسم کے سرد اور خشک رہنے کا ہی امکان ہے. آج کالام میں سب سے زیادہ سردی ہے جہاں پارہ منفی آٹھ سینٹی گریڈ تک گر گیا .پاراچنار، سکردو اور استور میں درجہ حرارت منفی چھے، گوپس، گلگت، کوئٹہ، دالبندین اور دیر منفی چار، بگروٹ، چترال اور قلات منفی تین، راولاکوٹ منفی دو، مری اور مالم جبہ میں درجہ حرارت منفی ایک ڈگری سینٹی ریکارڈ کیا گیا. گزشتہ چوبیس گھنٹوں کے دوران ملک کے بیشتر علاقوں میں موسم سرد اور خشک رہا ۔