کراچی(نیوزڈیسک)لیاری گینگ وارکے سرغنہ عزیربلوچ کی گرفتاری کے بعدہوشرباانکشافات منظرعام پر آرہے ہیں،جرائم کی دنیا کا بے تاج بادشاہ ماہانہ ایک ارب روپے کماکرچودہ کروڑروپے بڑی سیاسی جماعت کے بڑے رہنماؤں کو فراہم کرتا تھا۔تفصیلات کے مطابق خوابوں کی دنیا دکھانے والے بالی ووڈ کے کہانی نویس بھی لگتا ہے اپنی فلموں کااسکرپٹ پاکستانی گینگسٹرزسے لکھواتے ہیں،ایسا ہی ہواعزیربلوچ کے معاملے میں۔گرفتاری کے بعدانکشافات کاسلسلہ شروع ہواتومعلوم ہواکہ ممبئی والوں کااسکرپٹ بھی عزیربلوچ لکھتاہے جوا منشیات اغوا برائے تاوان غرض کونساایسا جرم جوعزیراینڈکمپنی نے نہ کیاہو۔عزیربلوچ کا کہناہے کہ جرائم کی دنیا سے ماہانہ لگ بھگ ایک ارب روپے کاکالا دھن حاصل کیاجاتاتھااوراس میں سے چودہ کروڑ جاتے تھے بڑی سیاسی جماعت کے بڑوں کو تاکہ بڑے گھرکاخرچہ پانی چلتا رہے مہینے کی چودہ فیصد آمدنی نے بڑے گھرکے مکینوں کی آنکھوں پرپٹی باندھ دی اورانہوں نے عزیربلوچ کے ہاتھ مزیدمضبوط کئے۔ عزیربلوچ کا یہ بھی کہنا ہے کہ ارشد پپو کے قتل کی منصوبہ بندی پیپلزپارٹی کے رہنما قادرپٹیل نے کراچی پولیس کی مدد سے کی اورارشد پپوکوگھیرنے کیلئے جگہ کاانتخاب ہوا ڈی ایچ اے کراچی کے فلیٹ میں جہاں شراب اورشباب کی محفل میں ارشد پپوکومدہوش کیااورپھراس کوقتل کر نے کے بعداس کیسرسے فٹبال کھیلی اورلاش کوجلادیا۔عزیربلوچ کے انکشافات ابھی شروع ہوئے ہیں اوران سے طاقت کے ایوانوں میں کھلبلی مچ گئی ہے،آنے والا وقت اور بے رحم ہے،جوکئی پردہ نشینوں کوبے نقاب کردیگا۔