اسلام آباد(نیوزڈیسک) ن لیگ کی رکن صوبائی اسمبلی اوراداکارہ کنول نعمان، جنھیں گذشتہ روز دماغ کی شریان پھٹنے (برین ہیمرج) کے باعث جناح ہسپتال منتقل کیا گیا تھا، کی حالت میں بہتری آئی ہے.میڈیا سے بات کرتے ہوئے ڈاکٹروں نے بتایا کہ کنول نعمان کی حالت میں پہلے سے تھوڑی بہتری دیکھی گئی ہے تاہم اگلے 48 گھنٹے ان کے لیے کافی اہم ہیں۔ کنول کو انتہائی نگہداشت کے وارڈ (آئی سی یو) میں وینٹی لیٹر پر منتقل کیا گیا تھا.دوسری جانب حکومت پنجاب کی جانب سے ایم پی اے کنول نعمان کے علاج کے لیے 6 ارکان پر مشتمل ایک میڈیکل بورڈ قائم کردیا گیا.کنول نے اپنے کیرئیر کا آغاز 1987 میں کیا جس کے بعد وہ مسلسل 23 سال شوبز کی دنیا سے منسلک رہیں، انھوں نے معروف ڈراموں پیاس، کھوجی اور شناخت سمیت کئی ڈراموں میں اداکاری کے جوہر دکھائے جنہیں شائقین نے بے حد پسند کیا۔