لاہور(نیوز ڈیسک)لاہور کے تمام بڑے اسکول بھی بالآخر کھل گئے ہیں۔ بڑی تعداد میں بچے آج اسکول پہنچے۔ تعلیمی سرگرمیوں کے ساتھ ہی اسکولوں کی رونقیں بحال ہو گئیں۔ صبح سویرے ہاتھوں میں بستے تھامے ،چھٹیاں گزارنے کے بعد پہنچے مستقبل کے معمار اپنے اپنے تعلیمی اداروں میں۔ چہروں اور زباں پر کسی سے نہ ڈرنےاور ملک وقوم کا فخر بننے کا عزم تھا۔ہفتے بھر کی چھٹیاں گزارنے کے بعد طلبا اپنے ہم عمر دوستوں سے ملنے کو بے قرار تھے ،کہتے ہیں بہت دنوں بعد دوستوں سے ملے ، خوب پڑھیں گے۔اسکولوں کے باہر سکیورٹی کے بھرپور انتظامات نظر آئے۔