لندن (نیوزڈیسک)ایم کیو ایم کیلئے خوشی کی بڑی خبر آگئی، نجی ٹی وی کے مطابق متحدہ قومی موومنٹ (ایم کیو ایم) کے ذرائع نے بتایا ہے کہ الطاف حسین کو منی لانڈرنگ کے کریمنل الزامات سے بری کر دیا گیا ہے۔ ذرائع کے مطابق الطاف حسین کو کل پاسپورٹ بھی واپس دے دیا جائے گا۔ الطاف حسین سمیت تمام افراد کو منی لانڈرنگ کیس میں کل پولیس سٹیشن میں پیشی کی ضرورت نہیں ہے۔ واضح رہے کہ الطاف حسین کو کل پولیس سٹیشن پیش ہونا تھا۔ دوسری جانب سکاٹ لینڈ یارڈ کے ذرائع کا کہنا ہے کہ منی لاںڈرنگ کیس سے متعلق تمام شہادتوں کی تحقیقات ہو رہی ہیں۔ کیس کی تحقیقات جاری رہیں گی تاہم یہ تحقیقات کب ختم ہونگی اس بارے ٹائم فریم دینا ممکن نہیں ہے۔