نئی دہلی (نیوز ڈیسک)دورہ نیوزی لینڈ کے لیے قومی کرکٹ ٹیم کے 16کھلاڑیوں کے ناموں کو حتمی شکل دے دی گئی ہے تاہم ان میں محمد عامر کا نام شامل نہیں کیا گیا ۔رپورٹ کے مطابق محمد عامر کو ٹیم میں شامل کرنے پر سلیکشن کمیٹی کو گرین سگنل نہیں ملاجبکہ سلیکشن کمیٹی عمر اکمل اور صہیب مقصود کو بھی سیریز سے ڈراپ کرنے کے بارے میں غور کر رہی ہے ۔ محمد عامر کی ٹیم میں واپسی پر بغاوت کا خدشہ ہے جس کے پیش نظر پی سی بی نے اقدامات شروع کردئیے ہیں ۔پی سی بی کی جانب سے محمد عامر کی واپسی کے حوالے سے ٹیم کے دیگر کھلاڑیوں سے خصوصی دستاویزات پر دستخط لیے جائیں گے جس کے بعد محمد عامر کی ٹیم میں واپسی ممکن ہو سکے گی ۔