لاہور(نیوزڈیسک)محمدعامرکی واپسی۔بڑے ناموں کاحیرت انگیزردعمل سامنے آگیا،حالات بتارہے ہیں کہ محمد عامرکی ٹیم میں شمولیت کی مخالفت کرنے والا خود ہی ٹیم سے باہر ہوجائے گا ،اب قومی ٹیم کے تمام کھلاڑیوں کے پاس ایک ہی راستہ رہ گیا ہے کہ وہ بالآخر محمد عامر کو قبول کر ہی لیں یا پھر خود ٹیم سے باہر ہونے کا صدمہ برداشت کرنے کی تیاری کرلیں۔مصباح الحق اور سینئر بلے باز یونس خان نے فاسٹ بولر کی قسمت کا فیصلہ پی سی بی پر چھوڑ دیا۔ شاہد آفریدی واپسی کے حق میں، محمد حفیظ کی تنہاءمخالفت کی عمر کم رہ گئی۔ بنگلا دیش میں کئی قومی کرکٹرز کے ساتھ کھیلنا محمد عامر کی منزل آسان کر گیا۔سپاٹ فکسنگ کیس میں سزا یافتہ بولر محمد عامر کو فٹنس کیمپ میں شامل کرنے پر بعض کھلاڑیوں کے تحفظات سامنے آئے جن کا کہنا ہے کہ پی سی بی کے سینئر ا?فیشل نے ان سے مشاورت نہیں کی۔ پی سی بی ذرائع کا کہنا ہے کہ چیئرمین شہریار خان فاسٹ بولر محمد عامر سے ملاقات کرکے ان کی کونسلنگ کر چکے ہیں جس میں انھیں باور کرایا گیا ہے کہ وہ تربیتی کیمپ کے دوران اپنے سینئر کھلاڑیوں کے سا تھ پیش آئیں گے۔ ان کے رویے میں عاجزی کا عنصر نمایاں ہونا چاہیے۔ بولنگ کوچ مشتاق احمد بھی محمد عامر کے ساتھ مسلسل کونسلنگ کر رہے ہیں۔ فاسٹ بولر محمد عامر کو ڈومیسٹک کرکٹ اور بنگلا دیش پریمیئر لیگ میں بہترین بولنگ کروانے پر قومی سلیکشن کمیٹی نے تربیتی کیمپ کے لئے اعلان کردہ 26 کھلاڑیوں میں شامل کیا ہے جو کل سے قذافی سٹیڈیم میں شروع ہونے والے کیمپ میں ٹریننگ شروع کریں گے۔ سابق کپتان محمد حفیظ پہلے بھی محمد عامر، سلمان بٹ اور محمد آصف کی ٹیم میں واپسی پر تحفظات کا اظہار کر چکے ہیں جبکہ بنگلا دیش پریمیئر لیگ کے آغاز سے قبل محمد عامر کے بارے بیان بازی پر انھیں پی سی بی کی جانب سے شوکاز نوٹس بھی جاری کیا گیا تھا۔ ادھر سابق کپتان مصباح الحق اور یونس خان کی جانب سے کہا گیا ہے کہ یہ بورڈ کا معاملہ ہے اور انھیں محمد عامر کے ساتھ کھیلنے میں کوئی مسئلہ نہیں ہے۔