ہیملٹن(نیوز ڈیسک)نیوزی لینڈ اور سری لنکا کے خلاف جاری 2ٹیسٹ میچوں پر مشتمل سیریز کا دوسرا میچ ہیملٹن میں جاری ہے۔ آج میچ میں دوسرے روز لنکن ٹیم نے اپنی پہلی اننگز 264رنز 7وکٹوں کے نقصان پر دوبارہ شروع کی تو ان کی پوری ٹیم 292رنز پر آﺅٹ ہوگئی۔لنکن ٹیم کی جانب سے کپتان اینجلو میتھیوز 77رنز کے ساتھ ٹاپ اسکورر رہے،وہ ساﺅتھی کی گیند پر کیچ آﺅٹ ہوئے۔ادھر کیوی بولرز کی جانب سے ٹم ساﺅتھی نے 3جبکہ ٹرینٹ بولٹ اور ڈوگ بریسول نے 2،2کھلاڑیوں کو آﺅٹ کیا۔دوسری جانب کیوی ٹیم نے اپنی پہلی اننگز کا آغاز کردیا ہے ، انہوں نے 4.12اوورز میں بغیر کسی نقصان کے 35 رنز اسکور کرلیے ہیں۔نیوزی لینڈ کو سری لنکا کا پہلی اننگز کا اسکور پورا کرنے کے لیے مزید 257رنز درکار ہیں۔کیوی اوپنرز مارٹن گپٹل 23اور ٹام لیتھم 12رنز پر بیٹنگ کررہے ہیں۔