کراچی(نیوز ڈیسک)انگلینڈ کے خلاف ون ڈے سیریز میں تین ایک اور ٹی 20 سیریز میں تین صفر کی شکست کی بڑی وجہ پاکستان کرکٹ ٹیم کی خراب فیلڈنگ اور فٹنس کو قرار دیا جا رہا ہے۔ ایسی صورت حال میں پاکستان کرکٹ بورڈ نے پاکستان کرکٹ ٹیم کے لئے ڈاکٹر توصیف رزاق کو فٹنس کوچ مقرر کرنے کا فیصلہ کیا ہے۔ پی سی بی کے سربراہ شہریار خان کا کہنا ہے کہ توصیف رزاق کا تقرر فٹنس کوچ کے طور پر کیا گیا ہے۔ لاہور میں کیمپ کے دوران فٹنس پر خاص توجہ دی جائے گی اور جن کھلاڑیوں نے سینٹرل کنٹریکٹ کے مطابق اپنی فٹنس پر توجہ نہیں دی اور ٹیم انتظامیہ نے ان کے بارے میں رپورٹ دی ہے ان کھلاڑیوں پر جرمانہ عائد کیا جائے گا اور ان کرکٹرز کی میچ فیس سے جرمانے کی رقم کاٹ لی جائے گی۔امریکا میں سے اسپورٹس میڈیسن ، ٹریننگ اور ری ہیبلی ٹیشن میں شہرت رکھنے والے توصیف رزاق 1999ء4 سے 5سال پاکستان ٹیم کے ساتھ منسلک رہے۔ وہ فاسٹ بولر شعیب اختر کے ذاتی معالج تھے۔