ڈھاکہ (نیوزڈیسک)بنگلہ دیش پریمیرلیگ ‘ پاکستانی نژاد آل راﺅنڈر کے چرچے،بنگلہ دیش پریمیرلیگ میں پاکستانی نژاد برطانوی آل راﺅنڈر اشعر زیدی کی شاندار کار کر دگی کے نتیجے میں کومیلا وکٹورینز فائنل میں پہنچنے والی پہلی ٹیم بن گئی ہے جس نے رنگپور رائیڈرز کو 72رنز سے ہرا دیا میچ میں اشعر زیدی نے پندرہ گیندوں پر چالیس رنز بنائے اور صرف گیارہ رنز دیکر چار وکٹیں بھی حاصل کیں ۔رنگپور رائیڈر زنے ٹاس جیت کر فیلڈنگ کا فیصلہ کیا جو اچھا ثابت نہ ہوا اور کمیلا کے اوپنرز نے سکور 79تک پہنچا دیا اس کی طرف سے لٹن ڈاس نے 28رنز بنائے جبکہ امر القیس 67رنز بنا کر آﺅٹ ہوئے ۔کمیلا کے 16اوور تک صرف تین کھلاڑی آﺅٹ ہوئے تھے تاہم بعدمیں اشعر زیدی اور ابو حیدر کی شاندار بولنگ کے نتیجے میں میچ کا پانسہ پلٹ گیا حیدر نے 19رنز دیکر تین اور زیدی نے صرف گیارہ رنز دیکر چار وکٹیں حاصل کیں ۔