کراچی (نیوزڈیسک) کراچی میں ہونے والے بلدیاتی انتخابات میں ہونے والے انتخابات میں ووٹنگ کاوقت ختم ہونے کے بعد ووٹوں کی گنتی شروع ہوگئی ہے ۔ذرائع کے مطابق ابتدائی گنتی میں ایم کیوایم کوبرتری مل رہی ہے اورغیرحتمی اورغیرسرکاری انتخابی نتائج کے مطابق ایم کیوایم نے گورنگی کی میونسپل کمیٹی کی 3یونین کونسلوں میں کامیابی حاصل کرلی ہے ۔جبکہ ان یونین کونسلوں کے دیگرکونسلرزکے ووٹوں کی گنتی جاری ہے ۔ان حلقوں میں تحریک انصاف اورجماعت اسلامی کے اتحادی امیدواروں نے دوسری پوزیشن حاصل کی ہے ۔یر حتمی اور غیر سرکاری نتیجہ موصول ہوگیاہے جس کے مطابق کراچی کی یوسی 26 سے ایم کیوایم کے امیدوار نے میدان مار لیاہے ۔تفصیلات کے مطابق ضلع غربی کی یوسی 26 سے متحدہ قومی موومنٹ کے امیدوار شیخ کلیم چیئرمین منتخب ہو گئے ہیں جبکہ جماعت اسلامی کے محمد فاروق دوسرے نمبر پر رہے ہیں۔یونین کونسل فاطمہ ٹاﺅن میں بھی ایم کیوایم کے امیدوارنے کامیابی حاصل کی ہے ۔۔سیاسی تجزیہ نگاروں کے مطابق ایم کیوایم کی پہلی ،پیپلزپارٹی کی دوسری اورتحریک انصاف اورجماعت اسلامی کے اتحاد کی تیسری پوزیشن ہوگی جبکہ ن لیگ بھی کئی یونین کونسلوں میں اپ سیٹ دکھاسکتی ہے ۔جبکہ الیکشن کے نتائج آنے سے قبل تحریک انصاف کے رہنماءعلی زیدی اورایم کیوایم کے رہنماءکنورجمیل نے الیکشن پراپنے تحفظات کااظہارکیاہے ۔
۔