اسلام آباد(نیوز ڈیسک) پاکستان سپر لیگ میں ٹیمیں خریدنے کے لئے مقامی مقامی میڈیا گروپ اے آر وائے سمیت 7کمپنیاں میدان میں آگئیں۔ پاکستان کرکٹ بورڈ (پی سی بی ) کے ہیڈکوارٹرز لاہور میں گذشتہ روز پی ایس ایل کی ٹیمیں خریدنے کی خواہشمند کمپنیوں کی بڈز سامنے لائی گئی ہیں۔ کراچی، لاہور، پشاور، اسلام آباد اور کوئٹہ ان پانچ فرنچائز کے حقوق کے لئے 10سال کی پیشکش کی گئی ہے۔ لہذا متعدد پارٹیاں بڈنگ دستاویزات خرید چکی ہیں تاہم صرف 7کمپنیاں ایسی ہیں جنہوں نے ٹیمیں خریدنے کے لئے اپنی پیشکش سامنے رکھ دی ہے ان کمپنیوں میں مشرق وسطیٰ کی کمپنیاں بھی شامل ہیں۔
پی ایس ایل ٹیموں خریدنے کے لئے پیشکش رکھنے والی ٹیمیوں میں مقامی نجی چینل اے آر وائے میڈیا گروپ ، عمر ایسوسی ایٹس ، عارف حبیب گروپ ، ہائیر اور موبی لنک شامل ہیں جبکہ دیگر دو غیر ملکی کمپنیوں میں یو اے ای ونچر کیپٹیل اور قطر پریمیئر آئل کمپنی کالکو کے نام سامنے آئے ہیں۔