کراچی(نیوزڈیسک)”شاہد آفرید ی کے چھکے چھڑادیئے “پاکستانی کرکٹرزکس کے لئے کھیل رہے ہیں ،سابق کپتان نے پاکستانیوں کے دل کی بات کہہ ڈالی ۔پاکستان کرکٹ ٹیم کے سابق کوچ محسن خان نے انگلینڈ کے خلاف ٹی ٹوئنٹی سیریز میں کلین سوئپ شکست پر افسردگی کا اظہار کرتے ہوئے کہا کہ ناقص کارکردگی کے باعث قومی ٹیم کی اگلے سال ورلڈ ٹی ٹوئنٹی میں بہتر کارکردگی کے امکانات کو دھچکا لگا ہے۔محسن خان کا کہنا تھا کہ آفریدی کی ٹیم نے دومیچوں میں اچھے حالات کے باوجود آسان میچوں میں کامیابی کے مواقع ضائع کیا جو میزبان مداحوں کے لیے شرمناک ہے۔ان کا کہنا تھا کہ ہماری ٹیم ٹی ٹوئنٹی میں مضبوط ہے لیکن ناقص منصوبہ بندی حالیہ سیریز میں شکست کی وجہ بنی اور الزام عائد کیا کہ کھلاڑی ملک کے بجائے اپنے لیے کھیل رہے ہیں۔انہوں نے کہاکہ ورلڈ ٹی ٹوئنٹی سے قبل اس سے بری صورتحال نہیں ہو سکتی۔ قومی ٹیم ڈی واٹمور کے دورسے تنزلی کی جانب گامزن ہے اور اب وقار یونس کی کوچنگ میں بھی ایسا ہی ہے۔ یہ دونوں اپنے کوچنگ کے ادوار میں پاکستان کے لیے کوئی نمایاں کامیابی حاصل کرنے میں ناکام رہے ہیں۔