سڈنی(نیوز ڈیسک) آسٹریلیا کے سابق کرکٹر شین وارن نے اپنے نام سے ایک فاو¿نڈیشن بنا رکھی تھی جو لوگوں سے چندہ لے کر بیمار بچوں کا علاج کرواتی تھی۔ اب انکشاف ہوا ہے کہ فاو¿نڈیشن لوگوں سے چندہ تو لیتی تھی مگر چندے میں حاصل کئے گئے ہر ڈالر سے صرف 16 سینٹ بیمار بچوں پر خرچ کئے جاتے تھے۔ باقی تمام رقم شین وارن اور ان کے اہلخانہ پر صرف ہو جاتی تھی۔شین وارن فاو¿نڈیشن کے فنڈز میں اس قدر بڑے پیمانے پر گھپلوں کے انکشاف پر آسٹریلیا میں ایک ہنگامہ برپا ہو گیا ہے۔ تحقیقات میں انکشاف ہوا ہے کہ چندے سے حاصل کی گئی رقم سے فا?نڈیشن شین وارن کے والدین کو کرایہ بھی ادا کرتی رہی ہے جبکہ شین وارن کے بھائی کو اسی فاو¿نڈیشن میں ایک ایگزیکٹو عہدے پر تعینات کرنے کے لئے 2 لاکھ 10 ہزار ڈالر خرچ کیے گئے۔ اس کے علاوہ کرکٹ میچوں، پوکر ٹورنامنٹس کے انعقاد اور عالی شان ضیافتوں پر بھی چندے کی رقم اڑائی جاتی رہی ہے۔ رپورٹ میں بتایا گیا ہے کہ اس ہائی پروفائل فاو¿نڈیشن نے رضاکارانہ طور پر کبھی اپنی مالیاتی رپورٹس ظاہر نہیں کیں بلکہ ہمیشہ اپنے ریکارڈ کو خفیہ رکھنے کی کوشش کی اور کبھی عوام کے سامنے نہیں آنے دیا۔