بنوں (نیوزڈیسک) وفاقی وزیرہاﺅسنگ اینڈ ورکس اور سابق وزیر اعلیٰ خیبر پختونخوا اکرم خان درانی نے کہا ہے کہ گذشتہ روز میرے قافلے پرریموٹ کنٹرول بم حملہ سیاسی دہشت گردی ہے ،بعض لوگ نہیں چاہتے یہ خطہ ترقی کرے ،سیاسی استحکام قائم رہے ،ہمیشہ بلا تفریق خطے کو ترقی کی راہ گامزن کرنے کیلئے اقدامات کئے ہیں ،آئندہ بھی ہماری یہ کوشش جار ی رہے گی ۔وزیر اعلیٰ خیبر پختونخوا کے معاون خصوصی برائے ٹرانسپورٹ اینڈ ٹیکنیکل ایجوکیشن ملک شاہ محمد خان اور ان کے بھائی ملک گل باز خان شیڈول فور میں نامزد ہیں جس کی رو سے وہ قانونی طور پر بھی الیکشن لڑنے کے اہل نہیںپھرکس طرح آج وہ حکومتی عہدے پر فائز ہیں حملے میں شہید اور زخمی ہونے والے افراد میرے بیٹوں کی طرح ہیں جنہوںنے ملکی استحکام کیلئے اپنی جانیں قربان کی حملے میں د و قیمتی جانیں ضائع ہوئی جو کہ ایک بہت بڑا نقصان ہے تعزیت اور خیریت دریافت کرنے پر وزیر اعظم پاکستان میاں نواز شریف اور دیگر سیاسی و غیر سیاسی رہنماﺅں کا تہہ دل سے مشکور ہوں ان خیالات کا اظہار انہوں نے میوہ خیل ہاﺅس میں پریس کانفرنس سے خطاب کرتے ہوئے کیا اس موقع پر ایم پی اے اعظم خان درانی ،سابق ایم پی اے قاری گل عظیم ،سابق ایم پی اے سید حامد شاہ،آل ٹرانسپورٹ جنوبی اضلاع کے صدر ملک مقبول زمان حیدر ،ملک یوسف خان ،ملک دلنواز خان ،پیر مطیع اللہ شاہ ،انسانی حقوق کے چیئرمین ملک نیاز علی خان میراخیل عبدالرزاق مجددی ،سابق ایم این اے،مفتی اجمل سابق صوبائی وزیر میاں نثار گل ،جے یو آئی اقلیتی ونگ کے رہنما شاہد گیل سمیت دیگر قائدین بھی موجود تھے وفاقی وزیر اکرم خان درانی نے کہا کہ میں نے اس سے پہلے میڈیا پر واضح کیا تھا کہ وزیر اعلیٰ کے معاﺅن خصوصی نے کہا تھا کہ وہ ایک بڑا دھماکہ کریں گے میرے خیال سے انہوں نے ثابت کردیا سیاست میں ذاتیات پر اتر آنا سیاست نہیں جبکہ لوگوں کو شعور دینا قانون سمجھانا اور علاقوں کو ترقی کی راہ پر گامزن کرنا سیاست کا نام ہے مذکورہ واقعہ سیاسی فائدہ حاصل کرنے کیلئے کیا گیا اس سے پہلے بھی ہمارے امیدوارحامد شاہ کو الیکشن مہم چلانے سے روکنے کیلئے ان کے گھر کے بم دھماکہ کیا گیا تھا انہوں نے کہا کہ مجھے خود کی نہیں بلکہ حملے میں شہید ہونے والوں کی فکر ہو رہی ہے کیونکہ وہ بے گناہ نو جوان تھے ہمیں لوگوں کی خدمت سے کوئی بھی روک نہیں سکتا یہ علاقے ہمارے بنوں کے اپنے ہی علاقے ہیں ان علاقوں کی پسماندگی دور کرنے کیلئے ہم اس وقت تک جائیں گے جب تک وہ ملک اور صوبے کے دیگر علاقوں کے برابر نہیں ہو جا تے انہوں نے تمام انٹیلی جنس اداروں سے مطالبہ کیا کہ مذکورہ حملے کی فوری تحقیقات کرے اور ملوث افراد کے خلاف کاروائی عمل میں لائے وفاقی وزیر اکرم خان درانی نے حملے شہید ہونے والے دونوں افراد کے ورثاءکیلئے پانچ پانچ لاکھ روپے دینے کا اعلان کیا ۔