لاہور(این این آئی)کائونٹر ٹیررازم ڈیپارٹمنٹ نے پنجاب میں 98انٹیلی جنس بیسڈ آپریشنز کیے، جس کے دوران 13دہشت گرد گرفتار کرلیے گئے۔

ترجمان سی ٹی ڈی کے مطابق پاکپتن سے را کا خطرناک دہشت گرد واجد گرفتار کیا گیا، دیگر گرفتار دہشت گردوں کی شناخت عثمان، نعیم، عبدالمنان، واجد، اسامہ، عثمان، حسن، بابر کے نام سے ہوئی، دہشت گردوں کے قبضے سے دھماکہ خیز مواد، ایک ہینڈ گرنیڈ ،3 آئی ای ڈی بم ،12ڈیٹونیٹرز اور 35فٹ فیوز وائر برآمد ہوئے۔ترجمان سی ٹی ڈی نے کہا کہ گرفتار دہشت گردوں کے خلاف 13مقدمات درج کر لیے گئے۔

ترجمان کے مطابق پنجاب بھر میں رواں ہفتے کے دوران 1595کومبنگ آپریشنز کے دوران 52مشتبہ افراد گرفتار کرلیے گئے، کومبنگ آپریشنز میں 55416افراد کو چیک کیا گیا۔ترجمان نے کہا کہ سی ٹی ڈی محفوظ پنجاب کے ہدف کے تحت کارروائیاں جاری رکھے ہوئے ہے۔