اسلام آباد (نیوز ڈیسک) امریکی ٹیکنالوجی کمپنی ایپل نے طویل انتظار کے بعد فولڈ ہونے والا اپنا پہلا اسمارٹ فون آئی فون ڈو (iPhone Duo) مارکیٹ میں پیش کردیا ہے۔ نئی ڈیوائس کو آئی فون کے ڈیزائن میں کئی برس بعد آنے والی بڑی تبدیلی قرار دیا جا رہا ہے۔
آئی فون ڈو کو کتاب کی طرز پر کھولا اور بند کیا جاسکتا ہے۔ بند ہونے کی صورت میں یہ نسبتاً کمپیکٹ فون دکھائی دیتا ہے، جبکہ کھولنے کے بعد صارف کو 7.6 انچ کی بڑی اندرونی اسکرین ملتی ہے۔ فون کے بیرونی حصے میں 5.4 انچ ڈسپلے دیا گیا ہے، جبکہ بڑی اسکرین کو بیک وقت متعدد ایپس چلانے اور ملٹی ٹاسکنگ کے لیے تیار کیا گیا ہے۔نئے فولڈ ایبل فون کی تیاری میں ٹائٹینیم فریم استعمال کیا گیا ہے، جبکہ اسکرین اور ڈیوائس کے تحفظ کے لیے Ceramic Shield گلاس فراہم کیا گیا ہے۔ فون کو IP68 ریٹنگ بھی دی گئی ہے، جس کے باعث پانی اور گردوغبار سے بہتر مزاحمت کی صلاحیت حاصل ہوتی ہے۔آئی فون ڈو دو رنگوں، Star White اور گہرے نیلے Night Sky میں دستیاب ہوگا۔ ہارڈویئر کے اعتبار سے اس میں ایپل کا نیا A20 Pro چپ سیٹ اور C2 موڈیم شامل کیا گیا ہے، جبکہ فوٹوگرافی کے لیے عقب میں 48 میگا پکسل کے دو کیمرے نصب کیے گئے ہیں۔فولڈ ایبل فون متعارف کرا کر ایپل نے بالآخر اس مارکیٹ میں بھی قدم رکھ دیا ہے جہاں سام سنگ، گوگل، ہواوے سمیت کئی دیگر ٹیکنالوجی کمپنیاں پہلے ہی اپنے ماڈلز پیش کرچکی ہیں۔
اگرچہ ایپل نے اس شعبے میں حریفوں کے مقابلے میں دیر سے انٹری لی ہے، تاہم کمپنی کی آمد کو فولڈ ایبل فونز کی مارکیٹ میں اہم پیش رفت سمجھا جا رہا ہے۔نئے آئی فون کی قیمت ایپل کے عام ماڈلز کے مقابلے میں کافی زیادہ رکھی گئی ہے۔ اس کی ابتدائی امریکی قیمت تقریباً 2 ہزار ڈالر یا اس سے زیادہ بتائی گئی ہے، جبکہ صارفین کو اس کی دستیابی اکتوبر سے شروع ہونے کی توقع ہے۔دوسری جانب ایپل نے آئی فون 18 سیریز بھی پیش کی ہے، جس میں آئی فون 18 پرو اور آئی فون 18 پرو میکس سمیت مختلف نئے ماڈلز شامل ہیں۔ نئی سیریز میں جدید پروسیسر، بہتر کیمرا ٹیکنالوجی، مصنوعی ذہانت پر مبنی فیچرز اور بیٹری کارکردگی میں بہتری کو نمایاں کیا گیا ہے۔تاہم ایپل کی نئی مصنوعات کی تقریب میں سب سے زیادہ توجہ کمپنی کے پہلے فولڈ ایبل فون آئی فون ڈو نے حاصل کی، جس کے ذریعے ایپل نے اسمارٹ فونز کی ایک تیزی سے بڑھتی ہوئی مارکیٹ میں براہ راست مقابلے کا آغاز کردیا ہے۔
JUST IN: Apple unveils its first foldable phone, iPhone Duo.
When opened, it is the thinnest iPhone ever.
The phone is 50% larger than the iPhone 18 Pro Max. https://t.co/Wby0jQVLkr
— Collin Rugg (@CollinRugg) September 9, 2026
