لاہور( این این آئی)پاکستان ٹیلی کمیونیکیشن اتھارٹی نے غیر فعال سمز سے منسلک وٹس ایپ اکائونٹس بند کرنے کا فیصلہ کرلیا۔

اعلامیے کے مطابق غیر فعال، منسوخ یا زیراستعمال نہ رہنے والی سمز سے منسلک واٹس ایپ اکانٹس بلاک کردیئے جائیں گے، غیر فعال موبائل نمبرز سے منسلک واٹس ایپ اکانٹس غیرقانونی سرگرمیوں میں استعمال ہوتے ہیں۔غیر فعال سمز سے منسلک بعض واٹس ایپ اکائونٹس فراڈ اور دیگر غیر قانونی سرگرمیوں کیلئیاستعمال ہوتے ہیں، واٹس ایپ پر موبائل نمبر بروقت تبدیل کرنے سے صارفین اپنے اکانٹس پر کنٹرول برقرار رکھ سکیں گے۔

بیان کے مطابق غیر فعال سمز سے منسلک واٹس ایپ اکائونٹس بلاک کرنے کی کارروائی کسی بھی وقت شروع ہو سکتی ہے، صارفین اپنے واٹس ایپ اکائونٹس کو موجودہ اور فعال موبائل نمبرز کے ساتھ منسلک کریں، موبائل نمبر تبدیل کرنے والے صارفین واٹس ایپ کا نمبر تبدیل کرنے کا آپشن فوری استعمال کریں۔