دبئی(نیوز ڈیسک )پاکستان کرکٹ ٹیم کے کپتان اظہر علی نے کہا ہے کہ انگلینڈ کے خلاف ون ڈے سیریز میں قومی ٹیم نے اپنی صلاحیتوں کے مطابق کرکٹ نہیں کھیلی۔میڈیا سے گفتگو کرتے ہوئے اظہر علی نے کہاکہ انگلش ٹیم نے اچھا کھیل پیش کیا ¾ 356 رنز کے تعاقب کے لئے کسی کھلاڑی کا سنچری بنانا ضروری تھاچوتھے ون ڈے میں تین سو چھپن رنز کے تعاقب میں کوئی بھی بیٹسمین بڑی اننگز نہ کھیل سکا۔کپتان نے سیریز میں خراب کھیل کا اعتراف کرتے ہوئے کہا کہ کھلاڑیوں کی کارکردگی سیریز میں مایوس کن رہی۔اظہر علی نے کہاکہ سیریز ہارنا بڑا نقصان ہے تاہم برطانوی ٹیم کو مبارکباد دیتا ہوں۔ان کا مزید کہنا تھا کہ کھلاڑیوں نے اچھی کوشش کی تاہم کامیابی نہیں ملی، دو بڑی اننگز مل جاتیں تو میچ جیت سکتے تھے ¾ سیریز ہارنے کا بہت دکھ ہے۔