فیصل آباد (این این آئی)فیصل آباد میں گھریلو جھگڑے پر دادا نے 2 پوتوں کو تیز دھار آلے سے قتل کر ڈالا۔

پولیس کے مطابق یہ واقعہ فیصل آباد کی غوثیہ کالونی میں پیش آیا جہاں بیرحم دادا نے گھریلو جھگڑے پر 2 پوتوں کو تیز دھار آلے سے قتل کردیا۔پولیس نے بتایا کہ مشتعل شخص نے جھگڑے کے دوران اپنی بیوی اور بہو کو بھی زخمی کیا۔ پولیس کے مطابق واقعے کی اطلاع ملتے ہی پولیس نے بروقت کارروائی کی اور ملزم کو گرفتار کر لیا جبکہ مرنے والوں پوتوں کی شناخت 6 سالہ نبیل اور 8 سالہ عدیل کے نام سے ہوئی ہے۔دوسری جانب فیصل آباد کے علاقے رحمان پورہ میں 5 روز قبل بچے کو قتل کرنے والے ملزم کو گرفتار کرلیا گیا۔

پولیس ترجمان کے مطابق ملزم بچیکا محلیدار ہے، ملزم نے زیادتی کی کوشش کے دوران مزاحمت پربچے کا قتل کیا اور لاش جھاڑیوں میں چھپادی، دوران تفتیش ملزم نے اپنے جرم کا اعتراف بھی کرلیا ہے۔