لاہور (نیوز ڈیسک)لاہور کے علاقے ٹاؤن شپ تھانے میں دورانِ حراست جاں بحق ہونے والی دو خواتین کا دو روز بعد پوسٹ مارٹم مکمل کر لیا گیا ہے،
جبکہ موت کی اصل وجہ جاننے کے لیے نمونے فرانزک تجزیے کے لیے لیبارٹری بھیج دیے گئے ہیں۔
میڈیا رپورٹس کے مطابق میاں منشی اسپتال میں قائم میڈیکل بورڈ نے دونوں خواتین کا پوسٹ مارٹم کیا۔ حکام کا کہنا ہے کہ حتمی رپورٹ فرانزک نتائج موصول ہونے کے بعد جاری کی جائے گی۔
ذرائع کے مطابق ابتدائی طبی معائنے میں یہ اشارہ ملا ہے کہ دونوں خواتین کی موت دل کی دھڑکن بند ہونے کے باعث ہوئی، تاہم اس کی حتمی تصدیق فرانزک رپورٹ آنے کے بعد ہی کی جا سکے گی۔
تحقیقاتی حکام کا کہنا ہے کہ واقعے کے تمام پہلوؤں کا جائزہ لیا جا رہا ہے اور فرانزک رپورٹ کی روشنی میں مزید قانونی کارروائی عمل میں لائی جائے گی۔
