لاہور( این این آئی)صوبائی دارالحکومت لاہور کے علاقہ غازی آبادکے پولیس اسٹیشن میں ذہنی معذور لڑکی سے مبینہ زیادتی کی اندرونی کہانی سامنے آ گئی ،
لڑکی کو پولیس اسٹیشن کے اندر زیادتی کا نشانہ بنایا گیا ، ڈی آئی جی آپریشنز نے ایس ایچ او سمیت تھانے کے تمام اہلکاروں کو معطل کر دیا ۔بتایا گیا ہے کہ اے ایس آئی عمران لڑکی کو موٹر سائیکل پر بٹھا کر تھانہ غازی آباد لایا ،گیٹ پر تعینات اہلکار نے اے ایس آئی سے خاتون بارے دریافت کیا جس اے ایس آئی عمران نے جواب دیا کہ ملزمہ ہے تفتیش کے لیے لایا ہوں ۔ اے ایس آئی عمران نے لڑکی کو انوسٹی گیشن روم میں لے کر جا کر مبینہ زیادتی کا نشانہ بنایا،زیادتی کے بعد لڑکی کو خود واپس چھوڑ کر آیا ۔مزید بتایا گیا ہے کہ ورثا ء لڑکی کے اغوا ء کی درخواست دینے تھانہ گئے اسی دوران ورثا ء کو گھر سے فون آیا کہ لڑکی واپس آگئی ہے ۔
پولیس کے مطابق اے ایس آئی کی گرفتاری کے بعد انچارج انوسٹی گیشن معطل ہوا ۔ڈی آئی جی آپریشنز فیصل کامران نے مبینہ زیادتی کے کیس میں ایس ایچ او سمیت تھانے کے سارے عملے کو معطل کردیا،ایس ایچ او سمیت تھانے کے 78اہلکاروں کو معطل کیا گیا ہے۔لاہور ڈی آئی جی نے تھانے میں فرنٹ ڈیسک کے اہلکاروں کو بھی معطل کردیا۔ڈی آئی جی آپریشنز فیصل کامران نے 78 اہلکاروں کی معطلی کی رپث درج کرادی ۔
