اسکردو(این این آئی)براڈ پیک پربرفانی تودہ گرنے سے لاپتہ کوہ پیمائوں میں سے 8 کی لاشیں مل گئیں۔

دنیا کی 12 ویں بلند ترین چوٹی براڈ پیک پر برفانی تودہ گرنے کے بعد لاپتہ ہونے والے مزید 4 کوہ پیماں کی لاشوں کی نشاندہی کی گئی جس کے بعد اب تک کل 8 کوہ پیمائوں کی لاشیں مل چکی ہیں۔صبح ملنے والی 4 لاشوں میں سے تین کوہ پیماں کی میتیں ہیلی کاپٹر کے ذریعے اسکردو منتقل کر دی گئی ہیں جبکہ مزید 2 لاپتا کوہ پیماں کی تلاش کیلیے براڈ پیک پر سرچ اینڈ ریسکیو آپریشن بدستور جاری ہے۔ صوبائی وزیر سیاحت نیک نام کریم نے بتایا کہ لاپتا کوہ پیمائوں کی تلاش کے لئے ہر ممکن کوشش کررہے ہیں،

محکمہ سیاحت کی ٹیم لوجسٹک سپورٹ فراہم کر رہی ہے۔واضح رہے براڈ پیک قراقرم کے پہاڑی سلسلے میں واقع جس کی بلندی 8047 میٹر ہے۔