لاہور (این این آئی) ہائیر ایجوکیشن کمیشن (ایچ ای سی )نے بین الاقوامی طلبہ کیلئے سکالرشپس کا اعلان کر دیا ۔

ذرائع کے مطابق سکالرشپس کا اعلان سنٹرل ایشیاء اور دوست ممالک کے رہائشی طلبہ کے لئے کیا گیا ہے ۔ذرائع کا کہنا ہے کہ سکالرشپس علامہ محمد اقبال سکالرشپ کے تحت فراہم کی جائیں گی جبکہ منتخب طلبہ کو انڈرگریجوایٹ ڈگری پروگرامز کے لئے سکالرشپس فراہم کی جائیں گی ۔انجینئرنگ اینڈ ٹیکنالوجی،کمپیوٹر سائنس اینڈ آئی ٹی کی ڈگری میں سکالرشپس دی جائیں گی جبکہ الائیڈ ہیلتھ سائنسز، بزنس اینڈ اکنامکس میں سکالرشپس بھی دی جائیں گی ۔مزید برآں، ایگریکلچر اینڈ سوشل سائنسز، فوڈ سکیورٹی کے ساتھ ساتھ انٹرنیشنل ریلیشن، میڈیا اینڈ لنگویج میں سکالرشپس فراہم کی جائیں گی ۔ ذرائع کے مطابق سکالرشپس میں ٹیوشن فیس، رہائش، ماہانہ وظیفہ، امدورفت کا خرچہ، دیگر سہولیات شامل ہیں ۔بین القوامی طلبہ سے درخواستوں کی وصولی کا سلسلہ 10اگست تک جاری رہے گا۔