ننکانہ صاحب (این این آئی)ننکانہ صاحب میں 4روز قبل اغوا ہونے والی 4سالہ بچی کی لاش قریبی نہر سے برآمد کر لی گئی۔
پولیس کے مطابق ابتدائی تفتیش سے معلوم ہوا ہے کہ معصوم بچی کو مبینہ زیادتی کے بعد قتل کیا گیا، جس کے بعد ملزم نے لاش نہر میں پھینک دی۔ حکام کے مطابق واقعے کے مرکزی ملزم فیصل کو گرفتار کر لیا گیا ہے جبکہ اس سے مختلف پہلوئوں پر تفتیش جاری ہے۔ ترجمان پولیس کے مطابق مقتولہ کی والدہ خانیوال سے ماموں کے گھر آئی ہوئی تھیں جبکہ متاثرہ خاندان ڈیرہ اعظم کھوکھر میں عارضی طور پر رہائش پذیر ہے۔ حکام کے مطابق واقعے کی ہر پہلو سے تحقیقات جاری ہیں ،پوسٹ مارٹم سمیت دیگر شواہد کی روشنی میں مزید قانونی کارروائی عمل میں لائی جائے گی، حتمی حقائق تفتیش اور فرانزک رپورٹ کے بعد سامنے آئیں گے۔
