خیرپور (این این آئی) خیبرپور پریالو کے علاقے کوٹ غلام محمد میں ناریجو برادری کے دو گروپوں کے درمیان مسلح تصادم میں باپ اور بیٹے سمیت 6افراد جاں بحق جبکہ 3 زخمی ہو گئے۔

پولیس کے مطابق جاں بحق افراد میں 4مرد اور 2 خواتین شامل ہیں، واقعہ تھانہ فیض محمد بنڈو کی حدود میں رشتے کے تنازع پر پیش آیا۔ایس ایس پی خیرپور کے مطابق اطلاع ملتے ہی پولیس کی بھاری نفری، بکتر بند گاڑیاں اور اے پی سی موقع پر پہنچ گئیں، لاشوں اور زخمیوں کو پیر جو گوٹھ ہسپتال اور گمس ہسپتال منتقل کر دیا گیا ہے۔پولیس کے مطابق علاقے میں خوف و ہراس پھیل گیا ہے، واقعے کی مزید تحقیقات جاری ہیں۔