راولپنڈی(این این آئی)آئی جی پی کچہ اسٹاپ پر سیوریج ڈرین میں ڈوبنے والے سات سالہ بچے وصال کی لاش تین دن بعد
آٹھ کلو میٹر دور گوالمنڈی کے قریب نالہ لئی سے مل گئی۔ذرائع کے مطابق امدادی ادارے تین دن سے لاش ڈھونڈ رہے تھے کہ سرچ آپریشن کے دوران گوالمنڈی کے قریب نالہ لئی سے بچے کی لاش مل گئی۔لاش کو ریسکیو 1122ٹیموں نے نالہ لئی سے نکال کر ضروری قانونی کارروائی کے لیے متعلقہ پولیس کے حوالے کر دیا جہاں قانونی کارروائی کے بعد لاش ورثا کے حوالے کر دی جائے گی۔لاش کی برآمدگی کے ساتھ ہی ریسکیو 1122کا سرچ اینڈ ریسکیو آپریشن ختم ہوگیا۔
پولیس، ریسکیو 1122سول ڈیفنس ڈیڈ باڈی تلاش میں مکمل ناکام رہے، ڈیڈ باڈی 8کلومیٹر نالوں کا سفر طے کر کے گوالمنڈی پل پہنچی اور کچرے میں پھنسنے کی وجہ سے ملی اور خود ہی پل ساتھ لگ گئی جب کہ پولیس پولیس اور ریسکیو ٹیمیں جائے حادثہ سے آدھا کلومیٹر ایریا چیک کرتی رہیں۔
