سرگودھا(این این آئی)گھریلو تنازعہ پر نوجوان نے اپنے سگے چھوٹے بھائی،اپنی بھاوج اور اپنے پھوپھا کو گولیاں مار کر قتل کر دیا
مقتول دوبئی پلٹ اور ایک بچے کا باپ ہے۔اطلاعات کے مطابق پولیس نے فرار ہونے والے ملزم کو گرفتار کر کے مقدمہ قتل درج کر لیا اور آلہ قتل کی برآمدگی کے لئے مصروف تفتیش ہے۔زرائع کے مطابق قصبہ ککرالی کے گاں بزرگوال رات کو بھائی کے درمیان ہونے والے توں تکرار میں صبع سویرے گھریلو تنازعہ پر قاضی نعمان ارشد نے اپنے سگے بھائی قاضی سفیان ارشد اس کی اہلیہ رمشہ سفیان اور اپنے پھوپھا منور حسین کو گولیاں مار کر قتل کر دیا اور موقع سے فرار ہو گیا۔مقتول دوبئی پلٹ اور ایک معصوم بچے کا باپ بتلایا جا ہے۔جس پر پولیس تھانہ ککرالی نے مقتولین کی نعشیں پوسٹمارٹم کے بعد ورثا کے سپرد کر دیں جن کو آہوں اور سسکیوں میں سپردخاک کر دیا گیا۔اطلاعات کے مطابق پولیس نے تعاقب پر کھاریاں کے قریب ملزم کی گاڑی اور موبائل فون ملنے پر ٹریس کرتے ہوئے قاتل ملزم کو چند گھنٹوں میں گرفتار کر لیا اور مقتول منور حسین کی بیوہ روبینہ کوثر کی مدعیت میں مقدمہ قتل درج کر لیا اور ملزم سے آلہ قتل کی برآمدگی کے لئے مصروف تفتیش ہے۔
