اسلام آباد(این این آئی)نادراکی جانب سے شہریوں کو جعلی ویب سائٹس سے ہوشیار کردیا گیا ہے۔
نادرا کے فیس بک پیج پر شہریوں سے اپیل کی گئی ہے کہ وہ نادرا کے نام سے بنائی گئی جعلی ویب سائٹ سے ہوشیار رہیں کیونکہ جعلساز عناصر کے خلاف نادرا کی کارروائی پر یہ جعلی ویب سائٹ https://pakidentity.comبند کردی گئی ہے۔یہ جعلی ویب سائٹ شہریوں کو گمراہ کرنے اور ان کی حساس ذاتی معلومات حاصل کرنے کے لیے بنائی گئی تھی۔شہریوں سے التماس ہے کہ وہ صرف gov.pkپر ختم ہونے والی نادرا کی ویب سائٹس استعمال کریں۔نادرا نے کہاکہ مشکوک ویب سائٹس استعمال کرنے یا ان پر اپنی ذاتی معلومات دینے سے گریز کریں اور شناختی دستاویزات بنوانے کے لئے نادرا پاک آئی ڈی موبائل ایپ استعمال کریں۔اس سے قبل شناختی کارڈ سے محروم شہریوں کے لیے نادرا نے اہم اقدام اٹھاتے ہوئے پیدائشی سرٹیفکیٹ کے بغیر شناختی کارڈ بنوانے کی مشروط سہولت فراہم کرنے کا اعلان کیا تھا۔
ترجمان کے مطابق پہلی بار رجسٹریشن کے لیے یہ سہولت 31دسمبر 2026تک موثر ہوگی،متبادل طریقوں سے درخواست گزار کی شناخت کی تصدیق کی جائے گی۔اٹھارہ سال یا زائد عمر کی شادی شدہ خواتین کے پاس نکاح نامہ موجود ہونا لازم ہوگا، والد یا والدہ اور شوہر کا شناختی کارڈ بنا ہوا ہو اور ان کی بائیومیٹرک تصدیق لازمی ہوگی۔24سال یا زائدعمرکیمرد کیوالد یا والدہ اورکسی ایک بہن بھائی کا شناختی کارڈ بنا ہو،والدین میں سے کسی ایک کی بائیومیٹرک تصدیق لازمی ہوگی،والدین، شوہردونوں فوت لیکن نادرا میں ریکارڈ موجود ہوا تو بائیومیٹرک چھوٹ مل سکے گی۔
