اسلام آباد (نیوز ڈ یسک) کراچی میں شہریوں نے وی آئی پی پروٹوکول کے خلاف ردعمل دیتے ہوئے بلاول چورنگی پر لگائی گئی رکاوٹیں عبور کر لیں،

جس کے باعث اہم شخصیت کے قافلے کی نقل و حرکت متاثر ہوگئی۔ذرائع کے مطابق سیکیورٹی انتظامات کے تحت بلاول چورنگی پر تقریباً آدھے گھنٹے تک ٹریفک معطل رکھی گئی تھی، جس سے شہری شدید پریشان ہوگئے۔ طویل انتظار کے بعد عوام نے ناکہ بندی ہٹا کر راستہ کھول لیا۔سوشل میڈیا پر گردش کرنے والی ویڈیو میں دیکھا جا سکتا ہے کہ جیسے ہی پروٹوکول میں شامل گاڑیاں موقع پر پہنچیں، شہری آگے بڑھ آئے اور سڑک پر موجود رکاوٹیں توڑ دیں، جس کے نتیجے میں قافلہ ٹریفک میں پھنس گیا۔

رپورٹس کے مطابق یہ واقعہ گزشتہ رات تقریباً 9 بجے پیش آیا، جبکہ اس کی ویڈیو مختلف سوشل میڈیا پلیٹ فارمز پر تیزی سے وائرل ہو رہی ہے۔واقعے کے بعد سوشل میڈیا صارفین کی جانب سے بھی ردعمل سامنے آیا، جہاں متعدد افراد نے وی آئی پی کلچر پر تنقید کرتے ہوئے کہا کہ عوام کو طویل وقت تک سڑکوں پر روکنا مناسب عمل نہیں۔