اسلام آباد (نیوز ڈیسک) سندھ کے شہر میہڑ میں مبینہ طور پر مضر صحت دودھ والی چائے پینے کے باعث 16 افراد بے ہوش ہو گئے، جن میں مرد، خواتین اور بچے شامل ہیں۔

پولیس کے مطابق گل کالونی کے ایک گھر میں چائے پینے کے بعد تمام افراد کی طبیعت اچانک خراب ہو گئی، جس پر انہیں فوری طور پر قریبی تعلقہ ہسپتال منتقل کیا گیا۔

ذرائع کا کہنا ہے کہ واقعے کے بعد پولیس نے معاملے کی چھان بین شروع کر دی ہے تاکہ اصل وجوہات کا تعین کیا جا سکے۔ہسپتال انتظامیہ نے صورتحال کے پیش نظر ایمرجنسی نافذ کر دی ہے اور تمام متاثرہ افراد کو طبی امداد فراہم کی جا رہی ہے۔ڈاکٹروں کے مطابق دو خواتین کی حالت تشویشناک ہے، جنہیں بہتر علاج کے لیے نجی ہسپتال منتقل کر دیا گیا ہے۔