اسلام آباد (نیوز ڈیسک) ملک میں سونے کی قیمت میں ایک بار پھر اضافہ ریکارڈ کیا گیا ہے، جس کے بعد فی تولہ نرخ 800 روپے بڑھ گئے ہیں۔

آل پاکستان جیمز اینڈ جیولرز ایسوسی ایشن کے مطابق تازہ اضافے کے بعد ملک میں ایک تولہ سونا 4 لاکھ 93 ہزار 962 روپے کا ہو گیا ہے۔اسی طرح 10 گرام سونے کی قیمت میں 686 روپے کا اضافہ ہوا، جس کے بعد نئی قیمت 4 لاکھ 23 ہزار 492 روپے مقرر کی گئی ہے۔

دوسری جانب عالمی مارکیٹ میں بھی سونے کے نرخ بڑھ گئے ہیں، جہاں فی اونس قیمت 8 ڈالر اضافے کے بعد 4 ہزار 716 ڈالر تک پہنچ گئی ہے۔