اسلام آباد (نیوز ڈ یسک)اسلام آباد میں وفاقی حکومت نے پیٹرولیم مصنوعات پر عائد لیوی میں نمایاں اضافہ کر دیا ہے،

جس کے نتیجے میں مہنگائی میں مزید اضافے کا خدشہ ظاہر کیا جا رہا ہے۔ذرائع کے مطابق پیٹرول پر لیوی میں 26 روپے 77 پیسے فی لیٹر اضافہ کیا گیا ہے، جس کے بعد اس کی مجموعی شرح بڑھ کر 107 روپے 38 پیسے فی لیٹر تک پہنچ گئی ہے، جبکہ اس سے قبل یہ شرح 80 روپے 61 پیسے فی لیٹر تھی۔حکام کا کہنا ہے کہ لیوی میں اضافے کا فیصلہ حکومتی آمدن میں اضافہ اور مالیاتی تقاضے پورے کرنے کے لیے کیا گیا ہے۔

یاد رہے کہ حال ہی میں حکومت نے پیٹرول اور ڈیزل کی قیمتوں میں بھی 26 روپے 77 پیسے فی لیٹر اضافہ کیا تھا۔ جاری کردہ نوٹیفکیشن کے مطابق پیٹرول کی نئی قیمت 393 روپے 35 پیسے فی لیٹر جبکہ ڈیزل 380 روپے 19 پیسے فی لیٹر مقرر کیا گیا ہے۔