حیدرآباد(این این آئی)حیدرآباد کے علاقے آفندی ٹان میں بجلی کے کھلے تار سے کرنٹ لگنے کے باعث 3 بچے جاں بحق ہو گئے۔

پولیس کے مطابق یہ افسوسناک واقعہ اس وقت پیش آیا جب بچے گھر کی چھت پر سو رہے تھے۔ چھت کے اوپر سے گزرنے والی بجلی کی ایک ٹوٹی ہوئی تار سے اچانک ایک بچے کو کرنٹ لگا، جسے بچانے کی کوشش میں مزید 2 بچے بھی کرنٹ کی زد میں آگئے اور موقع پر ہی دم توڑ گئے۔حکام کا کہنا ہے کہ جاں بحق ہونے والے بچوں کی شناخت 14 سالہ عبداللہ، 12 سالہ نوید اور 10 سالہ فیضان کے نام سے ہوئی ہے۔یہ تمام بچے شہداد پور کے رہائشی تھے اور حیدرآباد میں ایک بارات میں شرکت کے لیے آئے ہوئے تھے۔پولیس کا کہنا ہے کہ واقعے کے بعد علاقے میں کہرام مچ گیا اور خوشی کا گھر ماتم میں تبدیل ہو گیا۔ پسماندگان کی جانب سے بجلی کے کھلے تاروں پر شدید احتجاج کیا جا رہا ہے۔