اسلام آباد(نیوز ڈ یسک) پاکستان بھر کی صرافہ مارکیٹوں میں سونے کی قیمت میں مسلسل تیسرے روز بھی کمی ہوئی ہے۔ آل پاکستان صرافہ جیمز اینڈ جیولرز ایسوسی ایشن کے مطابق ملک میں فی تولہ سونے کی قیمت 1 ہزار 200 روپے کم ہو کر 4 لاکھ 98 ہزار 962 روپے ہو گئی۔ ملک میں 10 گرام سونے کی قیمت 1 ہزار 29 روپے کم ہو کر 4 لاکھ 27 ہزار 779 روپے ہو گئی۔
دوسری جانب عالمی بازار میں سونے کا بھاؤ 12 ڈالرز کم ہو کر 4766 ڈالرز فی اونس ہو گیا۔

واضح رہے کہ گزشتہ روز سونے کی فی تولہ قیمت میں 4 ہزار 900 روپے کی کمی ہوئی تھی۔