اسلام آباد (نیوز ڈ یسک)موچکو پولیس کی کارروائی میں 29ارب 69کروڑ ایرانی ریال پکڑے جانے کے معاملے میں گرفتار ملزمان میں ایک سی ٹی ڈی کوئٹہ کا اہلکار بھی شامل ہے۔
ایکسپریس نیوز کے مطابق ڈی آئی جی ساوتھ اسد رضا کے مطابق کانسٹیبل تاج محمد کیخلاف محکمانہ کارروائی کی سفارش کی ہے۔کارروائی کے دوران گرفتار سی ٹی ڈی اہلکار تاج محمد سے لائسنس یافتہ اسلحہ اور گولیاں بھی ملی ہیں۔ملزم سے ملنے والا اسلحہ بھی دیگر برآمدگی کے ساتھ ایف آئی اے کے حوالے کردیا ہے۔انہوں نے بتایا کہ گرفتارملزم نے دوران تفتیش بتایا کہ وہ کوئٹہ ایئرپورٹ روڈ کے قریب غازی خان نامی شخص سے ایرانی کرنسی لیتا تھا۔ملزم کوئٹہ سے ایرانی کرنسی لاکر سہراب گوٹھ پر نامعلوم شخص کے حوالے کرتا تھا۔سی ٹی ڈی کوئٹہ کے اہلکار کو ایک بار میں کرنسی کی بین الصوبائی اسمگلنگ میں 2لاکھ روپے ملتے تھے۔
