اسلام آباد (نیوز ڈیسک)ڈیوٹی پر جانے والی ایک لیڈی پولیس کانسٹیبل کے مبینہ اغوا کا معاملہ سامنے آیا ہے،

جس پر پولیس نے مقدمہ درج کر کے تلاش کا عمل شروع کر دیا ہے۔ایف آئی آر کے مطابق کانسٹیبل عائشہ اپنے گھر سے ڈیوٹی کے لیے روانہ ہوئیں، تاہم وہ اپنے مقررہ ڈیوٹی پوائنٹ پولیس لائنز قلعہ گجر سنگھ تک نہیں پہنچ سکیں۔ ان کی ڈیوٹی کا وقت رات 11 بجے سے صبح 7 بجے تک تھا۔پولیس حکام کا کہنا ہے کہ اطلاع ملتے ہی مختلف ٹیمیں تشکیل دے کر تلاش کا آغاز کر دیا گیا ہے۔عائشہ کے والد کی مدعیت میں اغوا کا مقدمہ درج کر لیا گیا ہے، جبکہ واقعے کی مزید چھان بین جاری ہے۔