اسلام آباد (نیوزڈیسک)پنجاب ڈیزاسٹر مینجمنٹ اتھارٹی (پی ڈی ایم اے) نے صوبے میں آئندہ دنوں کے دوران بارشوں اور بعض علاقوں میں ژالہ باری سے متعلق انتباہ جاری کر دیا ہے۔

ادارے کے مطابق 16 سے 18 اپریل کے درمیان پنجاب کے مختلف علاقوں میں بارشوں کا سلسلہ متوقع ہے۔ راولپنڈی، مری، گلیات، اٹک، جہلم، چکوال، تلہ گنگ اور گجرانوالہ ان شہروں میں شامل ہیں جہاں بارش کی پیشگوئی کی گئی ہے۔اسی طرح حافظ آباد، وزیر آباد، سرگودھا، میانوالی، شیخوپورہ، گجرات، خوشاب اور منڈی بہاؤالدین میں بھی بارش ہونے کا امکان ظاہر کیا گیا ہے۔

مزید برآں لاہور، سیالکوٹ، نارووال، فیصل آباد، جھنگ، چنیوٹ، بھکر، لیہ، راجن پور، نورپور تھل اور ڈیرہ غازی خان کے گردونواح میں بھی موسم کے تبدیل ہونے اور بارش کی توقع ہے۔