نارووال(این این آئی)تھانہ ندوکے کے علاقہ گائوں پکھوکے میں سسرالیوں نے مبینہ طور پر گلے میں دوپٹہ ڈال کر بہو کو قتل کر دیا،
پولیس نے مقتولہ کے والد کی مدعیت میں شوہر ،سسر،ساس سمیت چار افراد کے خلاف مقدمہ درج کر لیا ۔ابتدائی رپورٹ کے مطابق رہولے کلاں کے رہائشی محمد ارشاد کی بیٹی مبین کی شادی پانچ سال قبل گاں پکھوکھے کے رہائشی وقاص سے ہوئی ان کے دو بچے پیدا ہوئے۔ گزشتہ روز مبینہ طور پر وقاص نے گھر پر اپنے ماں باپ اور دیگر کے ہمراہ اپنی بیوی مبین کے گلے میں دوپٹہ ڈال کر اسے قتل کر دیا،مقتولہ آٹھ ماہ کی حاملہ بتائی جاتی ہے،پولیس تھانہ ندوکے نے مقتولہ کے والد محمد ارشاد کی درخواست پر شوہر وقاص،ساس سسر سمیت چار افراد کے خلاف مقدمہ درج کر کے تفتیش شروع کر دی ہے جبکہ لاش کو ضروری کارروائی کے لیے ڈسٹرکٹ ہسپتال منتقل کر دیا گیا ہے۔
