اسلام آبادنیوز (ڈیسک)لاہور کے علاقے ڈیفنس میں دو سوشل میڈیا انفلوئنسر خواتین کے ساتھ مبینہ زیادتی کا افسوسناک واقعہ پیش آیا ہے،
جس کے بعد پولیس نے تھانہ ڈیفنس سی میں مقدمہ درج کر کے تحقیقات کا آغاز کر دیا ہے۔پولیس حکام کے مطابق ایک ملزم نے سوشل میڈیا کے ذریعے متاثرہ خواتین سے رابطہ قائم کیا اور انہیں برانڈ ویڈیو بنانے کے بہانے ایک فلیٹ میں مدعو کیا۔ الزام ہے کہ وہاں پہنچنے پر اسلحہ دکھا کر ان کے ساتھ زیادتی کی گئی۔متاثرہ خواتین کی درخواست پر تین نامزد افراد کے خلاف مقدمہ درج کر لیا گیا ہے۔
پولیس کا کہنا ہے کہ ملزمان کی گرفتاری کے لیے مختلف مقامات پر چھاپے مارے جا رہے ہیں اور جلد انہیں قانون کے کٹہرے میں لایا جائے گا۔
