راولپنڈی(این این آئی)وارث خان پولیس نے چند روز قبل ہونے والی چوری کی واردات کا ڈراپ سین کرتے ہوئے ملزم کو گرفتار کر لیا،
جو کہ گھر کا ہی فرد نکلا۔تفصیلات کے مطابق پولیس کے مطابق زیر حراست شخص نے فیملی کی غیر موجودگی میں گھر میں داخل ہو کر چوری کی واردات کی تھی۔ ملزم فیملی سے الگ رہتا تھا۔پولیس نے تفتیش کے دوران ملزم کو شامل تفتیش کیا تو اس نے واردات کا اعتراف کر لیا، جس کے بعد اس کی نشاندہی پر 48 لاکھ روپے سے زائد مالیت کے 10 تولہ طلائی زیورات برآمد کر لیے گئے۔ایس پی راول سعد ارشد کا کہنا ہے کہ ملزم کو ٹھوس شواہد کے ساتھ عدالت میں پیش کر کے قرار واقعی سزا دلوائی جائے گی۔
